बेलबारीका मिटर रिडर रिजाल जर्बरजस्ती करणी आरोपमा पक्राउ

मोरङ । मिटर रिडिङ गर्न गएका बिधुत प्राधिकरण बेलबारी वितरण केन्द्रका एक कर्मचारीले १३ वर्षिया बालिमा माथि जबरजस्ती करणी गरेको आरोपमा पक्राउ परेका छन् ।

जबरजस्ती करणी गरेको आरोपमा प्राधिकरणका कर्मचारी लेखनाथ रिजाललाई प्रहरीले पक्राउ गरेको हो । आईतबार दिउसो मिटर जाँच गर्न गएका रिजालले बालिकाको घरमा कोहि नभएको मौकाछोपी करणी प्रयास गरेको आरोप छ ।

अभिभावकले किटानी जाहेरी दिएपछि इलाका प्रहरी कार्यलय बेलबारीले ४० वर्षीय रिजाललाई नियन्त्रणमा लिएर घटनाको अनुसन्धान शुरु गरेको छ । रिजाल दश वर्ष अघिदेखी बेलबारी वितरण केन्द्रको मिटर रिडरको रुपमा कार्यरत थिए ।

रिजाल विरुद्ध जबरजस्ती करणी उद्योगको मुद्दा चलाउन मंगलबार म्याद थप गरेर अनुसन्धान अघि बढाइएको इलाका प्रहरी कार्यालय बेलबारीका प्रहरी निरीक्षक ऋषिराज ढकालले जानकारी दिए ।