राजावादीहरूको इटहरीमा गोप्य भेला : राजसंस्था ब्युताउन सडक संघर्ष थाल्ने

इटहरी । राष्ट्रिय राजनीति संकटमा परिरहेको बेला सनिबार सुनसरीको इटहरीमा राजावादीहरूले गोप्य भेला सम्पन्न गरेका छन ।

पूर्व राजा ज्ञानेन्द्र शाह झापा आएकै बेला राजावादीहरूले इटहरीमा गोप्य भेला सम्पन्न गरेका हुन् ।

पूर्वमन्त्री तथा कमल थापाले नेतृत्व गरेको राष्ट्रिय प्रजातन्त्र पार्टीका केन्द्रीय सदस्य राम कुमार सुब्बाको आवासमा राजावादीहरूले शनिबार भावि राजनीतिबारे बिष्लेषण सहित मौकामा चौका हान्ने रणनीति तय गर्दै बिभिन्न कार्यक्रमहरू गर्ने भएका छन ।

भेलाले देशमा हिन्दु राष्ट्र स्थापना र राज संस्था जगाउन बिविध कार्यक्रमहरू गर्ने निर्णय गरेको छ । गत मंसिर २० गते झापामा हजारौको संख्यामा उपस्थित भएर राजसंस्थाको माग गर्दै आएका राजावादीहरूले पुनः आगामि पुस २२ गते बिराटनगरमा बिशाल जनप्रदर्शन गर्ने भएका छन ।

इटहरीबाट पूर्व राजा ज्ञानेन्द्रको शालिक सहित २० हजार जनता सडकमा उतार्ने र राजसंस्था सहित हिन्दु राष्ट्रको पक्षमा नारावाजी गर्दै इटहरीबाट बिराटनगर सम्म मोटरसाइकल ¥यालीको आयोजना गरिने राप्रपाका केन्द्रीय सदस्य रामु पोख्रेलले बताए ।

अहिले मोटरसाइकल ¥यालीमात्र आयोजना गरिने, पछि थप संघर्षका कार्यक्रमहरू पनि सार्वजनिक गरिने उनको भनाइ छ ।

नेपालमा राजसंस्था स्थापना गराउन सडक आन्दोलन चर्काउने राजावादीहरूको भनाई छ । कार्यक्रममा पूर्व राजा ज्ञानेन्द्र भने उपस्थिति नहुने जनाइएको छ ।

शनिबार इटहरीमा भएको भेलामा राप्रपाका पूर्व मन्त्री राम कुमार सुब्बा सहित, केन्द्रीय सदस्य तथा जिल्ला अध्यक्षहरूको पनि उपस्थिति रहेको थियो ।

राजनीतिक बिवादले जनतामा छाएको निरासापनको फाइदा उठाउदै देशमा पुनःराजसंस्था स्थापना गर्ने उद्देश्य सहित जनसहभागितामा बिशाल मोटरसाइकल ¥यालीको तयारीमा राजावादीहरू लागि परेका छन ।

पूर्व राजा झापा आएकै बेला प्रदेश एकमा राजावादीहरू सक्रिय हुनुले थप राजनीतिक माहोल तातिदै गएको छ । राजनीतिक दलका शिर्ष नेताहरू यति बेला पार्टी बिवादमा फसेको बेला समयको सदुपयोग गर्दै प्रदेश एकमा पूर्वाञ्चलवासी नेपाली जनताको ब्यानर अघि सारेर राजावादीहरू सक्रिय भएका छन ।