नेवार समाजको नेतृत्व विकाश तालिम सम्पन्न

धरान । कोरोनाको कारण स्थगित भएको नेवार एकता समाजले नेतृत्व विकाश तालिम सम्पन्न गरेको छ ।

कोरोनाका कारण घोषणा गरिएको लकडाउनमा तालिम स्थगित गरिएको थियो । कोरोनाको त्रास कम हुँदै गएकाले गत पुष १० गते समाजले तालिमको आयोजना सम्पन्न गरेको हो । शुक्रवार सुनसरी उद्योग बाणिज्य संघको सभा हलमा नेतृत्व बिकास तालिमको आयोजना गरेको थियो ।

तालिममा नेवार एकता समाज धरानका सबै वडाबाट ४५ जना प्रशिक्षार्थीहरूको सहभागिता रहेको थियो भने तालीमको प्रमुख प्रशिक्षकमा मोहन श्रेष्ठ सहित राजबिमल श्रेष्ठ र मनोहर शाक्यले सहजीकरण गरेका थिए ।

कार्यक्रममा प्रमुख अतिथीमा रजेशमान श्रेष्ठ, अतिथीमा जल्पा देबी बचत तथा ऋृण सहकारी संस्थाका अध्यक्ष शरद रत्न पार्थिव र कार्यक्रमको संयोजक दिभा श्रेष्ठ रहेका थिए ।

कार्यक्रमको सभापति अतुल श्रेष्ठले नेतृत्व बिकास तालिमको आयोजना गर्नुको मुख्य उद्देश्य संस्थामा आवद्ध सदस्यहरूको क्षमता अविबृद्धि गर्नु रहेको बताए ।