विराटनगर । अस्पताल परिसरबाट मोटरसाइकल चोरी गर्ने चार जना विाटनगरमा पक्राउ परेका छन ।
उजुरीको आधारमा जिल्ला प्रहरी कार्यालय मोरङको टोलीले नोबेल मेडिकल अस्पताल परिसरबाट मोटरसाइकल चोरी गर्नेहरुलाई पक्राउ गरेको हो ।
सेवाग्राही चुडामणी कार्कीको नामको को ३९ प २४४२ नम्बरको मोटरसाईकल चोरी भएको थियो । बाइकमा प्रहरी कार्यालयमा मोरङमा लिखित निवेदन दिएपछि मोटरसाईकल खोजतलास गर्दा विराटनगर महानगरपालिका–४ बुढाथोकी मार्गमा बाइक फेला परेको थियो ।
चोरीको आरोपमा विराटनगर महानगरपालिका ४ का विवेक थन्दार, अमन थन्दार, बुढिगंगा गाउँपालिका–२ पुजन थन्दार र सुनसरी दुहवी नगरपालिका–१० नगेन्द्र चौधरीलाई पक्राउ गरेको प्रहरीले जनाएको छ ।
उनीहरुलाई प्रदेश नं. १–०२–०४२ प ७३४८ नं. २२० सिसिको पल्सर मोटरसाईकल चोरी गरेर डो¥याउँदै गरेको अवस्थामा फेला पारिएको थियो । मोरङ प्रहरीका प्रवक्ता मानबहादुर राईले घटनाबारे थप अनुसन्धान भईरहेको बताएका छन ।