_1693980289.gif "#")
धरान । चटपटे बेचेर गुजारा गर्दै आएकी धरान १७ सुकुम्बासी बस्ती विजुवा मार्गकी एकल महिला जानुका विकको घर निर्माणका लागि सहयोग जुट्न थालेको छ ।
अघिल्लो वर्ष जानुका विकको घर निर्माणका लागि धरानका पत्रकारहरुले देउसी खेलेर अभियान शुरु गरेका थिए । उनको घर निर्माणका लागि १ लाख रुपैया रकम संकलन भए पछि गत सोमबार देखि घर निर्माणको काम अघि बढेको हो । उनको घर निर्माणका लागि धरान १५ निवासी कुवेर गुरुङले १० हजार १ सय रुपैया सहयोग गरेका छन् । उनले घरमै पुगेर रकम हस्तान्तरण गरेका हुन् ।
धरान १७ का वडाध्यक्ष मनोज भट्टराईको संयोजकत्वमा शनिवार देखि घर निर्माण कार्य सुरु भएको हो । घर निर्माणका लागि धरान १७ निवासी व्यवसायी मनिष भट्टराईले घरको जग खन्न स्काभेटर उपलब्ध गराएका थिए भने व्यावसायी श्याम श्रेष्ठले एक ट्याक्टर ढुङ्गा र व्यावसायी रुद्र कटुवालले ४८ केजि रड सहयोग उपलव्ध गराईसकेका छन । उनको घर निर्माणका लागि आर्थिक सहयोगका लागि आग्रह गरिएको छ ।
