_1693980289.gif "#")
धनकुटा÷ छथर गाउँपालिका धनकुटाले ६ जना फरक क्षमता (अपांगता) भएका ब्यक्तिहरुलाई सम्मान तथा पुरस्कृत गरेको छ ।
गाउँपालिकाले २९ औ अपाङ्गता दिवसको अवसरमा आफ्ना पालिकाका प्रत्येक वडाबाट एक÷एक जनालाई सम्मान गरेको हो । गाउँपालिकाले एक सम्मान कार्यक्रमको आयोजना गरेर एक उद्योगी, दुई बिद्यार्थी र तीन कृषकलाई सम्मान तथा पुरस्कृत गरेको हो ।
सम्मानित तथा पुरस्कृत हनेहरुमा वडा नं. १ र ५ का बिद्यार्थीहरु रिता कटुवाल र यशोदा लिम्बू, वडा नं २, ३ र ६ बाट कृषक भद्रबहादर बाजिम्पाक (मगर), लक्ष्मीदेवी लिम्बू र सिरबहादुर काप्mले र वडा नं.४ का ब्यबसायी झप्टबहादुर लिम्बू रहेका छन् ।
गाउँपालिकाका अध्यक्ष शेरबहादुर लिम्बू र अपांग समन्वय समिति छथर जोरपाटी गाउँपालिकाका संयोजक तथा पालिका उपाध्यक्ष भीमकला श्रेष्ठले उनीहरुलाई सम्मान गरेका थिए ।
सम्मानित तथा पुरस्कृत ६ जनालाई नगद, प्रमाण–पत्र र दोसल्ला ओढाएर सम्मान गरिएको थियो । सो अवसरमा बोल्दै गाउँपालिकाका अध्यक्ष शेरबहादुर लिम्बूले अपांङ्गता रोकथाम र अपांग पुनःस्थापना सम्बन्धी गाउँपालिकाले गरेको कामको बिषयमा गराएका थिए ।
कार्यक्रममा समुदायमा आधारित अपांङ्ग पुनःस्थापना कार्यक्रमका सहजकर्ता प्रदिप ओझाले अपांगताका बिषयमा चर्चा तथा लागु हुन लागेको अपाङ्गता पुुनःस्थापना कार्यक्रमका बारेमा जानकारी गराए ।
_Poush 22_1736170149.jpg "#")