_1693980289.gif "#")
धनकुटा÷ धनकुटाको छथर जोरपाटी गाउँपालिकाले आफ्नो पालिकाको दुर्गम क्षेत्र मानिएको वडा नं. ३ को सिंभुवा क्षेत्रमा औधोगिकग्रामको निर्माण कार्य शुरु गरेको छ ।
संघीय सरकारको एक स्थानिय तह एक औधोगिकग्रामको नीति अनुसार उद्योग मन्त्रालयको बहुबर्षिय योजना अन्तर्गत गाउँपालिकाले काम शुरु गरेको हो । ४८ रोपनी सरकारी जमिनमा निर्माणधिन ग्रामको धनकुटाका संघीय सांसद राजेन्द्र कुमार राईले उद्घाटन गरेका छन् ।
औधोगिकग्रामको उद्घाटन गर्दै सांसद राईले उक्त औधागिकग्रामको स्थापनाले उक्त क्षेत्र तथा गाउँपालिकाको आर्थिक बिकासमा टेवा पुग्ने बताए । चालु आर्थिक बर्ष २०७७÷०७८ मा ९२ लाख बिनियोजित उक्त ग्राम निर्माणका लागि मोरङ जिल्लाको चिसाङ कन्ट्रक्सन एण्ड सप्लायर्सले ६३ लाख १२ हजार ३ सय ६५ रुपैंयाको ठेक्कामा काम शुरु गरेको हो ।
औधोगिकग्रामको यस बर्ष २ वटा ३ कोठे भवन, ३ सय मीटर वाल कम्पाउण्ड र एक सय ५० मीटर ग्राभेल सडक बन्ने छथर जोरपाटी गाउँपालिका अध्यक्ष शेरबहादुर लिम्बूले बताए । पछाडि परेको क्षेत्र तथा गाउँबस्तीको विकास गरेर जनसमुदायको जीवन स्तर उकास्न उक्त दुर्गम स्थानमा औधोगिकग्राम निर्माण गर्न लागिएको अध्यक्ष लिम्बूले बताए । उहाँले धनकुटा बजार हुदै यस क्षेत्रसम्म करिब एक अर्बको लागतमा २३ किलोमिटर कालोपत्रे हुन लागेकोले पनि पछि परेको भनिएको यस क्षेत्रको आर्थिक र सामाजिक विकासमा थप टेवा पुग्ने बताए ।
कुल ३७ करोड २ लाख ८९ हजार ९ सय ५३ रुपैंयाँ बराबरको डिपिआरमा निर्माण हुने उक्त ग्राममा ३३ वटा औधोगिक भवन लगायत बिभिन्न भौतिक संरचना बन्ने गाउँपालिकाका ईन्जिनियर दिपेश पौडेलले बताए ।
_Poush 22_1736170149.jpg "#")