इलाम । इलाम नगरपालिका ३ पुवामझुवा स्थित पाटेनागी पुग्ने सडकको धमाधम काम भईरहेको छ । नगरपालिकाको दश लाख रुपैयाँ लागतमा वडा मार्फत सडक खन्ने काम भईरहेको हो ।
इलाम नगरपालिकाका नगर प्रमुख महेश बस्नेतले यहि महिना भित्र सडक पु¥याउनको लागि द्रुतगतिमा बढिरहेको छ भने देउराली सम्म सडक पु¥याउने बताएका छन ।
उनले भने ‘सडक पुगे सँगै अन्य पूर्वाधार खानेपानी विजुली पु¥याउने र त्यहाँ भएको स्रोत व्यवस्थापन गर्न जग्गालिजमा उपलब्ध गराउने र त्यसलाई एउटा सुन्दर इलामको पर्यटकीय गन्तव्यको रुपमा विकास गर्ने योजना रहेको छ ।’
इलाम नगरपालिकाको बागखोर देखि पाटेनागी नजिकैको विव्ल्याटे सम्म पु¥याउने लक्ष्यका साथ काम भईरहेको वडा नम्बर तीनका वडाध्यक्ष तिर्थ गुरुङले बताए ।
पर्यटकीय क्षेत्र भएकाले पाटेनागी सम्म पुग्नका लागि हिँडेर जानु पर्ने भएको कारण पनि सडक पु¥याउनै पर्ने रहेको गुरुङ बताउँछन । उनी भन्छन, ‘यस क्षेत्रमा भौतीक संरचना निर्माणको लागि पनि सडकको आवश्यकता रहेको थियो । यस क्षेत्रको विकासको लागि पनि सडकको आवश्यकता रहेको छ ।’
पाटेनागीको मूख्य आकर्षण
तीन हजार मिटरको उचाईमा रहेको यस क्षेत्रबाट चाँदी झैं टल्कीएका हिमालको आनन्दसँगै सूर्योदय र सूर्योस्थको मज्जा लिन सकिन्छ ।
यहाँबाट आँखैअघि सगरमाथा, कञ्चनजंघा हिमाल लगायत देख्न सकिने र प्रदेश १ का धेरै जिल्लाहरु भू–भाग नियाल्न सकिन्छ । मेची हाइवे नखुल्दासम्म पाँचथर र ताप्लेजुङ जाने बाटो यहीबाट रहेको इतिहास छ ।
यसठाउँमा रेडपाण्डा पाउने भएको कारण विश्वमै दुर्लभ मानिएको रेडपाण्डाको अवलोकनका लागि पनि यो ठाउँ महत्वपूर्ण रहेको छ ।
यो क्षेत्र सानु पुवाखोला, देउमाई खोला, ठूलो पुवाखोला लगायत खोलाहरूको उद्गम स्थल र नागढुङ्गा भएकोे कारण धार्मिक हिसावले पनि अव्वल मानिन्छ । गाइ वस्तु विग्रिएर दुध दिएन भने नागढुङ्गामा पुजा गर्दा गोठ सप्रने धार्मिक विश्वास रहेको वडाध्यक्ष तिर्थ गुरुङ बताउँछन ।
नागढुङ्गामा नाग, शंख लगायतका विभिन्न किसिमका आकृति देख्न सकिने गुरुङको भनाई छ । यस क्षेत्रमा १२ प्रजातिका गुँरास देख्न सकिन्छ ।
पाटेनागीमा घना गुराँसे जंगल रहेकाले चैत बैशाखको समयमा राताम्ये हुने गरेको छ । पुवामझुवाको पाटेनागी देखि गोर्खेको मानेभञ्ज्याङ सम्म गुराँसको जंगल छ । फरकफरक रंगमा फुलेका गुराँसले जता हे¥यो त्यतै राताम्ये देखिने गर्छ ।
इलामको सदरमुकामवाट ४० किलोमिटर पर्दछ भने र इलाम नगरपालिकाको बागखोर बजारबाट छ किलोमिटरको कच्ची सडकको यात्रा पछि यहाँ पुग्न सकिन्छ