प्रतिष्ठानको रुटिन ओटि आज देखि पनि पुर्ण रुपमा संचालन हुन सकेन्

धरान । रुटिन ओटिमा प्रयोग हुने सामग्री बिग्रिएका कारण वीपी कोइराला स्वास्थ्य विज्ञान प्रतिष्ठानले आज देखि शुरु हुने भनेको रुटिन ओटि पुर्ण रुपमा संचालन हुन सकेन् ।

केही दिन अघि सुचना जारी गर्दै मंसिर ७ गते देखि रुटिन ओटि संचालन हुने जनाएको थियो । तर लामो समय देखि बन्द रहेका सामग्रीको समयमै आवश्यक मर्मत सम्भार तथा चेकजाँच नगर्दा तोकिएको समयमा रुटिन ओटि संचालन गर्न नसकेको प्रतिष्ठान स्रोतले जनाएको छ । पुर्ण रुपमा संचालन गर्दा ७ वटा रुटिन ओटि सुंचारु हुन्छ तर आज एउटा मात्रै थपिएको छ । यस अघि १ महिना देखि २ वटा रुटिन ओटि संचालनमा थिए ।

आज एउटा थपिएर ३ वटा रुटिन ओटि संचालनमा आएको सहायक अस्पताल निर्देशक डा. प्रमोद बरालले सुचना जारी गरेका छन् । उनले सुचना जारी गर्दै ‘ओटी युजर्स कमिटीले मङ्सिर ७ गते आज देखि रुटिन ओटी सुचारु गर्ने निर्णय गरेको थियो, तर प्राविधिक कारणले पुर्णरुपमा रुटिन ओटी शल्यक्रिया सुरु हुन नसकेको बताइएको छ ।’

प्रतिष्ठानको अरू ओटीका केही सामाग्रीहरू कोभिड अस्पतालमा प्रयोग भइरहेको र केही बिग्रिएकोले पुर्णरुपमा रुटिन ओटी सञ्चालन गर्न नसकिएको डा. बरालले बताए । उनका अनुसार बाँकी ओटीहरु पनि चाडै सञ्चालनमा आउने र पुर्णरुपमा प्रतिष्ठानका रुटिन ओटीहरु सञ्चालनमा ल्याउने तयारी तीव्र गतिमा भइरहेको छ ।

कोरोना सङ्क्रमणको जोखिम बढेको भन्दै प्रतिष्ठानले विगत एक महिनादेखि इमरजेन्सी र सेमी इमरजेन्सी प्रकृतिका अप्रेसनहरू मात्र गरिरहेको थियो । जनशक्तिको अभावमा एक महिना देखि रुटिन ओटि बन्द रहेको थियो ।