_1693980289.gif "#")
सुनसरी । जिल्ला प्रहरी कार्यालय सुनसरीले सामाजिक क्षेत्रमा योगदान पुर्याउँदै आएका ११ जना व्यक्तिहरुलाई सम्मान गरेको छ ।
प्रहरी दिवशको अवसर पारेर विभिन्न क्षेत्रमा रही योगदान पुर्याउने ति व्यक्तिहरुलाई सुनसरी प्रहरीले सम्मान गरेको हो ।
सम्मानित हुनेहरुमा अपराध अनुसन्धान तर्फ सहयोग गर्नेहरु इनरुवा नगरपालिका–३ का रोहित निरौला, भोक्राहा नरसिंह गाउँपालिका–७ का रमेश यादव, इनरुवा नगरपालिका–३ का जिनियस निरौला रामधुनी नगरपालिका–१ कि रुमा रिजाल र इटहरी उपमहानगरपालिका वडा न–६ का जिवन पराजुली रहेका छन् भने निर्माण तर्फ सहयोग गरेकोमा सुनसरीबाट परवेज आलम, इनरुवा नगरपालिका–४ का हाजी इसराइल मन्सुरी, इटहरी उपमहानगरपालिका–४ का खगेन्द्र श्रेष्ठ, इनरुवा नगरपालिका–३ का जय प्रकाश शाह, कोशि गाउँपालिका–८ का मनोज सिपलिया यादव र हरिनगर गाउँपालिकाका ऐयुव अन्सारी रहेका छन् ।
प्रहरी प्रमुख कमल थापाले औपचारिक कार्यक्रमका बिच उनीहरुलाई कार्यकक्षमा सम्मान गरेका थिए । सुनसरी प्रहरीका अनुसार विभिन्न क्षेत्रमा रहि प्रहरीको लागि साथ, सहयोगका अलावा असल नागरिकको दायित्व निर्वाह गर्ने व्यक्तिहरुलाई सम्मान गरिएको हो ।
