_1693980289.gif "#")
इटहरी । चाडपर्वलाइ लक्षित गर्दै इटहरी प्रहरीले नयाँ सुरक्षा योजना बनाइरहेको बेला गएराती इटहरी १३ खनारबाटै एक टाइटानिक कार चोरी भएको छ ।
बा ९ च ३४०४ नम्बरको सेतो रंगको कार गए राती घरबाटै चोरी भएपछि प्रहरी उक्त कार चोरीमा संलग्न ब्याक्तिको खोजिमा जुटेको छ । कार चोर्दै गरेको सिसि टिभिले भिडियो रेकर्ड गरेपनि चोरीमा संलग्न भएका ब्यक्ती अहिले सम्म पनि फेला नपरेको इलाका प्रहरी कार्यालय इटहरीले जनाएको छ । कार चोरीमा संलग्न ब्याक्तिको तस्विर हातमा बोकेर शंकास्पद स्थानमा प्रहरी खोजि गर्न जुटिरहेको प्रहरीले जनाएको छ ।
मातहतमा रहेका प्रहरी कार्यालय र बाहिरका सम्भावित क्षेत्रहरूमा रहेका प्रहरी कार्यालयहरूमा समेत तस्विर पठाइ जानकारी गराइसकेकोले चोरीमा संलग्न ब्यक्ति चाडै प्रहरी नियन्त्रणमा हुने इलाका प्रहरी कार्यालय इटहरीले बताएको छ ।
