बालगायक संदेश पौडेलको मेरी आमा म्युजिक भिडियो सार्वजनिक

इटहरी । भर्खरै गायन क्षेत्रमा प्रवेश गरेका बालगायक संदेश पौडेलको आवाजमा ‘मेरी आमा’ बोलको नयाँ म्युजिक भिडियोे सार्वजनिक भएको छ ।
प्रिज्मा रेकडिङ स्टुडियोमा रेकर्ड गरिएको गितलाइ म्युजिक भिडियोको रूपमा भने राजकुमार कुवंर र गोबिन्द दुलालले निर्देशन गरेकाले गरेका छन । संदेश पौडेल र बरिष्ठ गायीका संगीता प्रधान राणाको स्वरमा रहेको म्युजिक भिडियोलाइ सह निर्देशनमा बिशाल केसी, छायाँकनमा अनिल जिसि, सम्पादन सिमली मिडियाले गरेको छ भने श्रृगारमा डेनि कोइराला रहेकी छिन ।

गितको रेकर्डिङ केहि दिन अघि सकिएपनि म्युजिक भिडियो भने भर्खरै बजारमा आएको मेरी आमा गीतका निर्देशक राजकुमार कुवरले बताए । त्यसैगरी संगीतकारमा रमेश सुबेदी र गीतको एरेन्जमा बरिष्ट गाएक बिबि अनुरागी रहेका छन् । नव प्रतिभाका रुपमा यो दोस्रो गीतले भोलिका दिनमा अभिनय क्षेत्र सगै गायन क्षेत्रलाई सशक्त बनाउँदै जाने बालगायक संदेश पौडेलले बताए ।
यस म्युजिक भिडियोको मुख्य अभिनयमा गायक सन्देश पौडेल र सर्मिला शर्मा रहेका छन् भने अन्य कलाकारहरु निरु मगर, श्याम प्रसाद खनाल, सन्तोष भण्डारी, रविन्द्र चौलागाइ, गोबिन्द दुलाल, रेसु रेलि माया घिसिङ र सुस्मा बस्नेत बिकरालको प्रस्तुती रहेको छ ।