अवैध खेती गाँजा नष्ट

सुनसरी । अवैध रुपमा लगाइएका गाँजा खेति नष्ट गर्ने उदयपुर जिल्ला प्रहरीले अभियाननै संचालन गरेको छ ।
उदयपुर स्थित रामपुर ठोक्सीला बाट खटिएको प्रहरीको टोलिले बेलका नगरपालिका वडा नम्बर ७ का विभिन्न स्थानमा लगाइएको तथा आफै उम्रिएको गाँजा नष्ट गरेको छ ।

करिब १ सय ७७ रोपनी क्षेत्रमा रहेको करिब २९ हजार ९ सय ५ वटा बोट गाँजा नष्ट गरेको प्रहरीले जनाएको छ ।

त्यसै गरि ताप्ली गाउँपालिका ५ मा आफै उम्रिएको करिब १५ सय बोट गाँजा नष्ट गरिएको जनाएको छ । गाँजा नष्ट गरिने अभियान निरन्तर भइरहने उदयपुर जिल्ला प्रहरी प्रमुख भिम दाहालले बताए ।