इटहरी । इलाका प्रहरी कार्यालय इटहरीमा नयाँ प्रहरी प्रमुख भएर कार्यभार सम्हाले लगत्तै डिएसपी अर्जुन केसीको सकृयता सफलता तर्फ उन्मुख भएको पाइएको छ । गएको १५ दिन भित्र ठगिमा संलग्न आधा दर्जन नामुद ठगहरूलाइ पक्राउ गर्न सफल भएसंगै इटहरीमा डिएसपी केसिको सकृियता बढेको हो ।
बाउन्स चेकमा ठगि गर्ने , इमोमा लाखौ रकम चिट्ठा परेको भन्दै सर्वसाधरणबाट रकम असुल्ने नाइके देखि चाडपर्वको मुखमा गुण्डागर्दि गर्दै हिडने सम्मलाइ पक्राउ गरी कानुनत कार्वाहिको प्रकृिया अघि बढाएपछि इटहरीमा डिएसपी केसीको चर्चा चुलिन थालेको छ ।
गएको एक साता भित्र मात्रै ठगिमा संलग्न ३ जनालाइ इटहरी प्रहरीले पक्राउ गरि कानुनत कार्वाहि प्रकृिया अघि बढाएको छ । सामाजिक सञ्जाल इमोमा लाखौ रकम चिट्ठा परेको भन्दै सर्वसाधरणबाट रकम असुल्ने सिराहा घर भएका अरबिन्द्र कुमार कामतीलाई गत २४ गते इटहरीबाट पक्राउ गरिएको छ ।
उनले यसअघि पनि सामाजिक सञ्जालको नाम गर्दै बिभिन्न शहरहरूमा ठगि गर्ने गरेको अनुसन्धानको क्रममा खुलेको इटहरी प्रहरीले जनाएको छ । उनलाइ २५ गते नै जिल्ला अदालतमा म्याद थप गरी आवश्यकिय अनुसन्धान थालीएको प्रहरीले बताएको छ ।
त्यस्तै बैंकिङ कसुर मुद्धामा फरार भएका इटहरी निवासी ४२ बर्षीय सरोज बुढाथोकी यसै साता प्रहरि फन्दामा परेका छन । बिगत ६ महिनादेखि प्रहरीले खोजि गरिरहेका बुढाथोकि गत २४ गते इटहरीबाटै पक्राउ परेका हुन । बैकिङ कसुर मुद्दामा उच्च अदालत बिराटनगरबाट बिस लाख जरिवाना हुने गरी फैसला भएकोमा हालसम्म फरार रहेका बुढाथोकी इटहरी ६ पश्चिम स्टेण्डबाट गत शनिबार पक्राउ परेका हुन । उनलाइ आइतबार नै जिल्ला अदालत सुनसरीमा दाखिला गराइएको इलाका प्रहरी कार्यालय इटहरीले जनाएको छ ।