_1693980289.gif "#")
धरान । मापदण्ड विपरीत बढी “मिथानोल स्प्रिट” हालेर सेनिटाइजर उत्पादन गर्दै आएको सुनसरीको एक उद्योग कारवाहीमा परेको छ ।
“मिथानोल स्प्रिट”ले छालामा असर गर्ने भएकाले औषधि व्यवस्था विभाग बिराटनगरले उद्योग बन्द गराउने प्रक्रिया अघि बढाएको छ । सुनसरीको नरसिङ गाउँपालिका ४मा रहेको उमानन्द यादवले सञ्चालन गर्दै आएको सिता हर्बल केमीकल उद्योगलाई कार्वहीको प्रक्रिया अगाडी बढाएको हो ।
औषधि व्यवस्था विभाग बिराटनगरका प्रमुख सञ्जीव शर्मा कट्टेलका अनुसार नेपाल औषधि विभागले तोकेको मापदण्ड अनुसार ७० देखि ८० प्रतिशत मिथानोल स्प्रिट हाल्नु पर्नेमा उद्योगले मापदण्ड भन्दा बढी केमीकल प्रयोग गरि सेनिटाइजर उत्पादन गर्दै आएको थियो ।
विषाक्त पदार्थ मिसाउने उद्योगलाई औषधि ऐन, उपभोक्ता हित संरक्षण ऐन र जनस्वास्थ्य ऐनअन्तर्गत क्षतिपूर्ति सहितको जरिबाना गर्नुका साथै उद्योग बन्द गर्ने तयारीमा विभाग रहेको विभागका प्रमुख कट्टेलले जनाएका छन् । उद्योगले उत्पादन गर्दै आएको सेनिटाइजर मोरङ र सुनसरीका विभिन्न ठाउँमा बिक्री वितरण हुदै आएको छ ।
