_1693980289.gif "#")
धरान । अनलाईन कक्षाको शुल्क लिने महेन्द्र बहुमुखी क्याम्पसको सुचना प्रति अनेरास्ववियुले आपत्ति जनाएको छ ।
अनलाईन कक्षा संचालन गर्ने विषयमा शुक्रबार विद्यार्थी संगठनहरु सँग छलफल गरेको थियो । तर छलफलमा शुल्कको विषयमा कुनै निर्णय नभए पनि क्याम्पसले शुल्क सहितको सुचना सार्वजनिक गरे पछि अखिलले आपत्ति जनाएको हो ।
साविक अखिलका अध्यक्ष सुजन खत्री र अखिल क्रान्तिकारीका कार्यवाहक अध्यक्ष रविन श्रेष्ठद्वारा संयुक्त जारी विज्ञप्तीमा सुचना तत्काल सच्याउन माग गरिएको छ । क्याम्पसले भदौ २८ गते देखि अनलाईन कक्षा संचालन गर्ने तयारी गरेको छ ,।
कोरोना जोखिम न्युनीकरणका लागि घोषणा गरिएको लकडाउनले अर्थतन्त्र तहसनहस भएको बेला विद्यार्थीहरुलाई शुल्न नलिई कक्षा सञ्चालन गर्न पनि संगठनले माग गरेको छ । छलफलमा त्रिभुवन विश्वविद्यालयले अनलाइन कक्षा सञ्चालन गर्ने निर्णय गरेको बिषयमा छलफल भएर निर्णय भए पनि शुल्क लिनेबारे कुनै निर्णय नभएको अखिलका अध्यक्ष सुजन खत्रीले बताए ।
क्याम्पस प्रशासनले सुचना जारी गर्दै अनलाइन कक्षा सञ्चालन गर्ने र सम्बन्धित सेमेष्टरका विद्यार्थीहरुले तोकिएको सेमेष्टर शुल्कको हाललाई आधा शुल्क नेपाल बैंक लि.मार्फत जम्मा गरी भर्ना हुन भनिएको छ भने बाँकी आधा शुल्क भने परीक्षा फारम भर्दा बुझाउन भनेको छ ।
क्याम्पस अनुसार एमबिएस तेस्रो, एमए तेस्रो, एमएड तेस्रो, बिबिए दोस्रो, चौथो, छैटौं र आठौं, बिबिएमको दोस्रो र चौथो सेमेष्टरको अनलाइन कक्षा भदौ २८ गतेदेखि शुरु गर्ने जनाएको छ । यस्तै, बि.ए., बिबिएस र बिएडका विद्यार्थीहरुको अनलाइन कक्षा सञ्चालन गर्न ट्रेसिङ गरेर इन्टरनेट पहुँच भए नभएको सम्भाव्यता अध्ययन गर्ने निर्णय भएको थियो ।
