_1693980289.gif "#")
बराहक्षेत्र / महिला बालिकाको क्षेत्रमा समाचार सम्प्रेषण गर्दा प्रहरी अनुसन्धानमा सहयोगी भूमिका निर्वाह गर्ने गरी सम्प्रेषण गरिदिन वराहक्षेत्रका सन्चारकर्मीलाई आग्रह गरिएको छ ।
इलाका प्रहरी कार्यालय चक्रघट्टी महेन्द्रनगरका इन्स्पेक्टर पान्डव राजवंशीले प्रहरी अनुसन्धानका क्रममा केही गोपनियता राख्नु पर्ने भएकाले संचारकर्मीलाई सम्वेदनशीलता मनन गरिदिन आग्रह गरे ।
महिला र बालिकाको अधिकार र पुनस्थापनाको क्षेत्रमा काम गर्दै आएको गैर सरकारी संस्था ओरेक नेपालले बिहीबार इलाका प्रहरी कार्यालय चक्रघट्टीमा`महिला बालिकाका मुद्दा र सन्चार क्षेत्रको सम्वेदनशीलता' विषयक अन्तरक्रिया गरेको थियो ।
अन्तरक्रियामा सहभागीले महिला र बालिकाको क्षेत्रमा विशेष सम्वेदनशीलता अपनाउने प्रतिबद्धता जनाएको ओरेककी प्रोग्राम अफिससर विमला घिमिरेले जानकारी दिइन् ।
