धरान । समुदायमै कोरोना संक्रमण देखिन थालेपछी धरान उपमहानगरपालिका ले गरेको मास टेस्टिङ्का क्रममा सोमबार पनि थप ९ जनामा कोरोना संक्रमण पुष्टि भएको छ । गत साउन २० देखि शुरु गरिएको मास टेस्टिङ्का क्रममा समुदाय स्तरमै १५ जनामा कोरोना संक्रमण देखि सकेको छ ।
सोमबार विहान आएको रिपोर्ट अनुसार धरान–६ का २ युवा, धरान १३ का २ युवा, धरान–१० का दुई महिला र धरान–१५, १६ र १९ का एक एक युवालाई संक्रमण भएको धरान उपमहानगरपालिकाका स्वास्थ्य महाशाखा प्रमुख उमेश मेहताले जानकारी दिए। संक्रमण देखिएका हरुको सम्पर्कमा रहेका हरुको ट्रेसिङ गरेर सबैको स्वाब परिक्षण गरिने उनले बताए । सोमबार थपिएका ९ जना सङै धरानमा कोरोना संक्रमितको संख्या ५५ पुगेको छ ।
