धरान । समुहगत रुपमा मुसहर बस्तीमा भएको आक्रमणका दोषीहरु लाई कारबाही गर्न राष्ट्रिय दलित नेटवर्कले माग गरेको छ । मोरङको बुढिगङगा गाउपालिकाको वडा नम्बर २ का मुसहर बस्तीमा भएको सामुहिक आक्रमणबाट ५ जना घाइते भएका छन भने फेरि आक्रमण हुने डरले एक जना महिलाले आत्महत्या गरेकी छिन् । पिडकले प्रहरी को मा उजुरी दिए पनि जिल्ला प्रहरी कार्यलय मोरङ्ले कुनै कार्बाही बिना छाडिएको छ ।
योजनाबद्ध रुपमा गरिएको आक्रमण को भत्सर्ना गर्दै नेटवर्क्ले दोषीलाइ तत्काल पक्राउ गरि कार्बाही गर्न, पिडकलाइ न्याय दिलाएर, क्षतिपूर्ति दिन समेत माग गरेको छ । आक्रमणमा घाइते भएका पिडितहरु लाई निशुल्क उपचारको गराउन समेत माग गरेको छ । स्थानीय इलाका प्रहरी कार्यलय निमुवाले दोषीलाई जोगाउन खोजेको नेटवर्कले आरोप लगाएको छ । छिमेकी बैजनाथ यादबको परिवार सङ भएको सामान्य बिबादमा यादबले बिराटनगर १४ स्थित जतुवाका मानिस बोलाएर आक्रमण गर्न लगाएका थिए ।
घटनालाइ कमजोर बनाउने र कानुनी प्रक्रियामा ढिलाइ गर्ने प्रहरीलाई पनि कार्बाही गर्न नेटवर्कले माग गरेको छ । आक्रमणमा परेर सरस्वती ऋषिदेव ५० र उनका भाइहरु क्रमश ४० बर्षिय पन्नाालाल ३८ बर्षिय चुन्नीलाल ३५ बर्षिय रामजी र ३३ बर्षिय श्यामऋषिदेव गम्भिर घाइते भएका छन । घाइते सरस्वती ऋषिदेबकि छोरी उर्मिला ऋषिदेबले आक्रमणबाट त्रसित बनेर आत्महत्या गरेकी छिन् । उनले फेरि पनि आक्रमण गर्न आउँछन र हामी सबैलाई मार्छन भन्दै त्रसित बनेकी स्थानियले बताएका छन ।