कोशी अस्पतालमा कोरोना शंकास्पद बिरामीको मृत्यु

विराटनगर । कोभिड १९ सँग मिल्दो लक्ष्यण भएका अर्का एक जना बिरामीको कोशी अस्पतालमा मृत्यु भएको छ ।
अस्पतालका अनुसार विराटनगर–९ बाट ज्वरो र श्वास प्रश्वास सम्बन्धी समस्या भई ल्याइएका व्यक्तिको आज बिहान मृत्यु भएको हो ।

परिवारले अस्पताललाई दिएको जानकारी अनुसार ५८ वर्षीय पुरुषमा एक सातादेखि हलुका ज्वरोको लक्ष्यण थियो । तर, बिहान एक्कासि श्वास फेर्न कठिन भएपछि कोशी अस्पताल लगिएको थियो ।

कोशी अस्पताल आईसोलेशनका इञ्चार्ज डा.लक्ष्मीनारायण यादवले भने,“अस्पतला ल्याई पुग्दा उहाँको मृत्यु भईसकेको थियो । तर, कोरोनासं मिले लक्ष्यणहरु देखिएकोले हामील्े स्वाब संकलन गरेर परीक्षणमा पठाएका छौं ।” कोशीको आईसोलेसनमा दुई दिनअघि पनि दुई पुरुषको मृत्यु भएको थियो । उनीहरुमा पछि कोरोना पुष्टि भएको थियो ।