_1693980289.gif "#")
इटहरी । छिमेकि नगरहरूले पालै पालो लक डाउन घोषणा गरे संगै कोरोना संक्रमित न्युनिकरण तथा उच्च सतर्कता अपनाउदै सुन्दरहरैचा नगरपालीकाले पनि बिहिबार राती १२ बजेदेखि एक साता लकडाउन गर्ने निर्णय गरेको छ ।
बुधबार कार्यालय अन्तरगत मेयर शिव प्रशाद ढकालकाे कार्यकक्षमा गरिएकाे पत्रकार सम्मेलन मार्फत लकडाउन बारे जानकारी गराइएकाे हाे । मंगलबार बसेको कार्यपालीकाको बैठकले नगर क्षेत्रमा उच्च सतर्कता अपनाउन लकडाउनको घोषणा गरेको पत्रकार सम्मेलनमा जनाइएकाे छ । साउन ३२ गते सम्म जारी हुने लकडाउनको नियमसंगत पालना गराउन नगरपालीकाले नगरवासीहरूमा अनुरोध गरेको छ ।
लक डाउन अवधिभर औषधी पसल बाहेकका ब्यापार व्यवसाय , नियमित लाग्ने हाट बजार , ब्युटि पार्लर , शैलुन , पार्टि प्यालेस , टिउसन सेन्टर लगायतका स्थानहरूलाइ बन्द गर्न नगरपालीकाले अनुरोध गरेको छ । अहिले सम्म सुन्दरहरैचामा ११ जनामा कोरोना संक्रमण देखिएपनि उपचार पछि सबैजना घर फर्किसकेको सुन्दरहरैचा नगरपालीकाका मेयर शिव प्रशाद ढकालले जानकारी दिएका छन । थप संक्रमण फैलन नदिन लकडाउन गरिएको जनाउदै मेयर ढकालले अब पिसिआर टेस्टको दायरा बढाउने काम भइरहेको पनि जानकारी गराएका छन ।
