प्रहरी चौकीको उद्घाटन

धनकुटा / धनकुटाको छथर जोरपाटी गाउँपालिकामा प्रहरी चौकीको उद्घाटन गरिएको छ ।
जोरपाटी बजारमा स्थापना गरिएको प्रहरी चौकीको छथर जोरपाटी गाउँपालिकाका अध्यक्ष शेरबहादुर लिम्बू र प्रमुख जिल्ला अधिकारी केशव प्रसाद बिमलीले संयुक्त रुपमा उद्घाटन गरेका छन् । प्रहरी प्रधान कार्यालय अन्वेषण योजना तथा विकास निर्देशनालय ०७६ असोज १७ गतेको परिपत्र, गृह मन्त्रालय र मन्त्रिपरिषद्ले धनकुटाको छथर जोरपाटीमा प्रहरी चौकीको नयाँ दरबन्दी स्वीकृत गरेको थियो ।

सोही निर्णय बमोजिम छथर जोरपाटी गाउँपालिका–२ स्थित जोरपाटी बजारमा प्रहरी चौकीको स्थापना गरिएको हो । छथर जोरपाटी बजारबासीले लामो समयदेखि प्रहरी चौकी स्थापनाको माग गर्दै आएका थिए । सो स्थानमा प्रहरी चौकी स्थापना भएसँगै स्थानीयवासीको माग पुरा हुनुको साथै त्यस क्षेत्रको शान्ति सुरक्षा पनि मजबुद बन्दै गएको गाउँपालिका अध्यक्ष शेरबहादुर लिम्बूले बताए ।