_1693980289.gif "#")
धरान । प्रदेश १ का सभामुखको छोरामा कोरोना संक्रमण पुष्टि भए लगत्तै सभामुख सहित सचिवालय सदस्यहरुको गरिएको स्वाब परिक्षण रिपोर्ट नेगेटिभ आएको छ । एकै परिवार भएको कारण सभामुख भण्डारीमा पनि संक्रमण भएको हुनसक्ने आशंका गरिएको थियो । छोराको रिपोर्ट पोजेटिभ आएपछि तत्काल सभामुख भण्डारीसहित निजी सचिवालय र सुरक्षाकर्मीसहित ८ जनाको बुधबारनै वीपी प्रतिष्ठानमा स्वाब संकलन भएको थियो ।
बिहिबार उनीहरु सबैको रिपोर्ट नेगेटिभ आएको छ । सभामुख भण्डारीका निजी सचिवालयले सबैको रिपोर्ट नेगेटिभ आएको ले कोही पनि नआत्तिन र ढुक्क रहन आग्रह गरेको छ । सभामुख)कै रिपोर्ट नेगेटिभ आएपछि सभामुखसँग भेटघाट गर्ने हरु चिन्तित नहुन आग्रह गरेका छन् ।
सभामुख भण्डारी का छोरा धरानको तीनकुनेस्थित औद्योगिक क्षेत्रको एक उद्योगमा कार्यरत थिए । त्यहाँ विराटनगर र जनकपुरबाट कामदार आएको र एकजनालाई ज्वारो पनि आएको थियो । तिनै व्यक्तिबाट सभामुखका छोरामा भाइरस सरेको हुनसक्ने अनुमान गरिएको छ ।
हलुका ज्वारो आएपछि सभामुखका छोरा आफै होम क्वारेन्टाइनमा बसेका थिए भने भोलीपल्ट(मंगलबार) स्वाब संकलन गरिएको थियो । उनको हिजो(बुधबार) रिपोर्ट पोजेटिभ आएपछि वीपीको आइसोलेसनमा लगिएको छ ।
