_1693980289.gif "#")
बराहक्षेत्र । सुनसरीको भित्रि गाउँ हुँदै शहरमा लागुऔषधको कारोबार गर्ने एक जनालाई इलाका प्रहरी कार्यालय चक्रघट्टीले पक्राउ गरेको छ ।
जिल्लाको भित्री गाउँको बाटो हुँदै बजार सम्म लागुऔषधको कारोबार गर्ने बराहक्षेत्र नगरपालिकाको आन्द्रमोढका ३९ वर्षिय पिन्टु भन्ने अभिराज चौधरी पक्राउ परेका हुन् । उनको साथबाट डाइजेपाम ३१, फेनार्गन ३१, लुपीजेसिक ३१ एम्पुल बरामद गरेको छ ।
आइतबार को २४ प ४४४२ नम्बरको स्कुटीको डिकीमा लागुऔषध राखेर ल्याउने गर्दाको अवश्थामा उनी पक्राउ परेका हुन् । प्रहरीले विशेष सुराकीको आधारमा स्कुटीको सिट मुनि लुकाएर ल्याउँदै गरेको अवश्थामा चेकजाँचका क्रममा बराहक्षेत्र ४ स्थित सुनसरी खोला नजिकै उनी पक्राउ परेको इप्रका महेन्द्रनगरका प्रहरी निरिक्षक पाण्डव राजवंशीले बताए । उनलाई पक्राउ गरि थप अनुसन्धानका लागि सोमबार सुनसरी जिल्ला अदालतमा म्याद थप गरिएको छ ।
