_1693980289.gif "#")
धरान । तरकारी बजारमा आगलागी हुदा करिब २० पसल जलेर नष्ट भएको छ । सोमबार (आज) बिहानै धरान उपमहानगरपालिका-२ स्थित पालिका तरकारी बजारमा आगलागी हुँदा करिब २० बटा पसल जल्दा झण्डै ५० लाख बराबरको क्षति भएको छ।
आगलागीबाट रमा चौहन खतीवडा, कल्पना तामाङको होटेल तथा फलफुल पसल, ज्ञान कुमारी श्रेष्ठको फलफुल तथा किराना पसल, लगायतका करीब २० वटा पसल पूर्णरुपले जलेर नष्ट भएको छ ।
करिब बिहान साढे ४ बजे तिर व्यावसायी रमा चौहान खतीवडाको कस्मेटिक पसलबाट विद्युत सर्ट भई आगलागी सुरु भएको स्थानीयको भनाइ छ । बिहान पसल खोल्न आईनपुग्दै आगाले सबैको पसल खरानी पारेको स्थानीयहरुले बताएका छन् ।
स्थानीयवासी, धरान उपमहानगरपालिकाको बारुणयन्त्र र प्रहरीको सहयोगमा आगो नियन्त्रणमा लिइएको छ । आगलागी के कसरी भयो भन्ने खुल्न सकेको छैन भने क्षतिको विवरण संकलन भइरहेको इलाका प्रहरी कार्यलय धरानले जनाएको छ ।
