“उपकुलपतिको कार्यकक्षबाट वी पीको तस्वीर नहटाइएको सरसफाईको क्रममा झिकिएको हो ”प्रतिष्ठान (विज्ञप्ति सहित)

धरान / धरान स्थित वी पी कोइराला स्वास्थ्य विज्ञान प्रतिष्ठानको उपकुलपतिको कार्य कक्षबाट विश्वेश्वर प्रसाद (वी.पी )कोइरालाको तस्वीर हटाइएको भन्ने समाचार बारे प्रतिष्ठानको गम्भिर ध्यानाकषर्ण भएको प्रतिष्ठानले जनाएको छ ।

प्रतिष्ठानका प्रवक्ता डा. निदेश सापकोटाको हस्ताक्षर भएको एक विज्ञप्ति जारी गर्दै प्रतिष्ठानले प्रतिष्ठानका कुलपति समेत रहेका प्रधानमन्त्री र राष्ट्रपतिको तस्वीर राख्ने क्रममा कोइरालाको तस्वीर सरसफाई गर्ने क्रममा निकालिएको र पुन : उचित ठाउँमा राखिएको विज्ञप्तिमा उल्लेख गरिएको छ ।

विज्ञप्तिमा महामानव वी पी कोइरालाको नाममा रहेको प्रतिष्ठान हाम्रो गौरब रहेको र सो कुुरालाई प्रतिष्ठानले सधैं आत्मसात गर्ने समेत उल्लेख गरिएको छ ।