रोटरी क्लबअफ धरान घोपाले गर्यो वृक्षारोपण

धरान । वातावरण संरक्षणका लागि रोटरी क्लब अफ धरान घोपाले आइतबार १ सय ५० वटा विरुवाहरु वृक्षारोपण गरेको छ ।
“वातावरण सरंक्षण, हामी गरौं वृक्षारोपण” भन्ने नारा सहित रोटरी क्लब अफ धरान घोपाले वृक्षारोपण कार्यक्रम गरेको हो । धरान–१५ स्थित शवदाह स्थल नजिकैको बमधारा परिसरमा मलेसियन साल, टिक, गोल्डमोहर, जामुन, अमला, पारिजात र बेल गरि करिब १ सय ५० वटा विरुवाहरु रोपिएको छ ।

रोटरी क्लबले वातावरण संरक्षणका क्षेत्रमा हरेक वर्ष वृक्षारोपण गर्ने गरेको र रोपि सकेका विरुवाहरुलाई गोडमेल समेत गर्ने क्लबका अध्यक्ष राजेश अग्रवालले बताए । रोट्रयाक्ट क्लब अफ धरान घोपा र इन्ट्रयाक्ट क्लब अफ धरान घोपाका सदस्यहरु लगायत कार्यक्रममा करिब ५५ जनाको उपस्थिति रहेको थियो ।