सुनसरीका वन कार्यालय प्रमुख घुस लिएको रकम सहित पक्राउ

सुनसरी । डिभिजन वन कार्यालय सुनसरीका प्रमुख रामबाबु साह घुस लिएको रकम सहित पक्राउ परेका छन् ।
शुक्रबार श्रीमती किरण साह सहित अवैध रकम लिई रौतहटतर्फ जाँदै गरेको अवश्थामा अख्तियार अनुसन्धान आयोग ईटहरीबाट खटिई गएको टोलिले उनलाई पक्राउ गरेको हो । वन कार्यालयको बा.२ झ. ४१० नम्बरको गाडिमा लुकाइ राखेको अवस्थामा उनलाई नियन्त्रणमा लिएको हो ।

डिभिजन प्रमुख साह र उनकी श्रीमती किरण साहको साथबाट स्रोत नखुलेको ५ लाख ५३ हजार रुपैया फेला पारीएको हो । उनीहरूलाई कोशी गाउँपालिका वडा नं. ८ सुनसरीबाट उक्त रकम सहित नियन्त्रणमा लिई थप अनुसन्धान भइरहेको आयोगले जनाएको छ ।