प्राइम भिजनको शैक्षिक राहत

धरान / प्राइम भिजन इन्स्टिच्युट अफ होटल म्यानेजमेन्ट तथा प्रभात माविले आगामी साउन १ गतेदेखि वाणिज्य र होटल व्यवस्थापनका कक्षाहरु अनलाइन मार्फत सुरु गर्ने भएको छ ।
सोमबार विद्यालयले वर्तमान समयमा विद्यालय सञ्चालन र व्यवस्थापनका विषयमा धरानका सञ्चारकर्मीहरुसंग अन्तक्र्रिया गर्दै आगामी शैक्षिक कार्यक्रमका बारेमा जानकारी गराएको हो । ‘विद्यालय बन्द भए तापनि विद्या बन्द हुदैन’ भन्ने नारासहित विद्यालयले शैक्षिक राहत स्वरुप अनलाइन कक्षा सञ्चालन गर्न लागेको प्रिन्सिपल सुमिर मास्केले बताए ।

विद्यालयले आगामी साउन १ गतेदेखि शनिबारबाहेक बिहान ११ बजेदेखि अनलाइन कक्षा सञ्चालन गर्नेछ । दोहोरो अन्तक्र्रियामा आधारित कक्षा कम्युटर प्रेजेन्टेसन र मल्टिमिडियाका आधारमा हुने कोर्डिनेटर अनिल श्रेष्ठले जानकारी दिए । ‘अनलाइनमार्फत् विद्यार्थीका क्वेरिजलाई पनि समावेश गराउने छौं’, कोर्डिनेटर श्रेष्ठले भने, ‘यो एकोहोरो शिक्षण प्रणालीमा आधारित हुने छैन, विद्यार्थीले पनि प्रश्न गर्न सक्ने छन् ।’

कोरोना संक्रमणको विषम परिस्थिति र मुलुक लकडाउन भएको अवस्थामा शैक्षिक कार्यक्रम गर्न समस्या भइरहेका बेला सञ्चारकर्मीबीच अन्तक्र्रिया गर्दै कलेजले ‘शैक्षिक राहत’को घोषणा गरेको अपरेशन म्यानेजर अभिषेक श्रेष्ठले जानकारी दिए ।

वर्तमान परिस्थितिमा सरकारले विद्यालयहरुले सिकाइ केन्द्रमार्फत् शिक्षण गर्न सक्ने निर्देशन जारी गरे पनि विद्यालयहरुले नै पूर्ण रुपमा कार्यान्वयन गरिरहेका छैनन् । सिकाइ केन्द्रमा भन्दा विद्यालयमा बहुसत्रमा सुरक्षित र प्रभावकारी शिक्षण गर्न सकिने सञ्चारकर्मीहरुले धारणा राखेका थिए ।

अन्तक्र्रियामा स्थानीय सरकारले सुरक्ष्ँित शिक्षण सिकाइका लागि नीति निर्माण गरी पहलकदमी लिनुपर्ने वर्तमान आवश्यक्ता रहेको सञ्चारकर्मी महेश श्रेष्ठले धारणा राखेका थिए ।