सर्दुले बगाएको बस्नेतको शव फेला

धरान । निरन्तरको वर्षाको कारण सर्दु खोलामा आएको बाढीले बगाएका धरान १३ का एक स्थानीयको शव प्रहरीले फेला पारेको छ ।
शनिबार दिउँसो ३ बजे तिर धरान १३ को राई टोल पश्चिमबाट उनलाई बगाएको थियो । धरान १३ मै बसोबास गर्दै आएका भुपु सैनिक राम बहादुर बस्नेतको शव आइतबार बिहान फेला परेको हो ।

धरान ११ स्थित वनडाँडाका स्थानीयले खोलाले बगाएर ल्याएको ढुङगा, दाउरा संकलन गर्न जादाँ देखे पछि प्रहरीलाई खबर गरेका थिए । बगाएको स्थान भन्दा करिब ५ किलोमिटर उनको शव भेटिएको इलाका प्रहरी कार्यालय धरानका डिएसपी ज्ञानेन्द्र बस्नेतले बताए । शवको पोष्टर्माटमका लागी प्रतिष्ठान पठाइएको उनले बताए ।