_1693980289.gif "#")
धरान । केन्द्रिय प्रविधि क्याम्पस हात्तिसारले पहिलो पटक गरिब तथा जेहेन्दार विद्यार्थीहरुका लागि छात्रवृत्तिका लागि निवेदन आव्हान गरेको छ ।
क्याम्पसले असार २२ गते सुचना जारी गर्दै साउन ९ गते सम्म अनलाइन आवेदनका लागि आव्हान गरेको छ । स्नातक तथा स्नातकोत्तर तह अन्र्तगत कार्यक्रमको प्रत्येक वर्षमा अध्ययनरत १ जना जम्मा १८ जना विद्यार्थीहरुलाई १० हजारका दरले छात्रवृत्ति प्रदान गरिने जनाएको छ । विद्यार्थीहरुले आवश्यक कागजपत्र सहित अनलाईन आवेदन दिन सक्ने जनाएको छ ।
क्याम्पसको स्वतन्त्र विद्यार्थी युनियनको पहलमा छात्रवृत्ति वितरण गरिएको हो । युनियनले अघिल्लो वर्ष देखिनै गरिब तथा जेहेन्दार विद्यार्थीहरुलाई छात्रवृत्ति वितरण गरिनु पर्ने लगायतका मागहरु राख्दै आएको युनियनका सभापति सौरब सन्जेलले बताए । उनले क्याम्पस व्यवस्थापन समितीलाई धन्यबाद समेत व्यक्त गरेका छन् ।
आवेदनका लागि छात्रवृत्ति पाउँ भनि क्याम्पस प्रमुखलाई सम्बोधन गरि निवेदन, आर्थिक हैसियत खुल्ने वडा कार्यालयको सिफारिस र अन्तिम परिक्षाफलको मार्कसिट पेश गर्नु पर्नेछ ।
आवेदनका लागि तलको लिंकमा जानुहोला
