मोरङमा बक्राहाले बगाएको महिलाको शव भेटियो

विराटनगर । वर्षासंगै मोरङको बक्राहा खोलामा उर्लिएको बाढीले बगाएर मोरङमा एक महिलाको मृत्यु भएको छ ।

रतुवामाई नगरपालिका वडा नम्बर ५ गोबिन्दपुरकी ५५ वर्षीया मायादेवी साहलाई बक्राहा खोलाले बाढीले बगाउँदा मृत्यु भएको छ ।

बक्राहा खोला नजिकै चौपाया चराईरहेकी साहलाई अचानक खोलाको बाढीले बगाएको र बेपत्ता भएकोमा आज शव फेला परेको प्रदेश १ प्रहरी कार्यालय विराटनगरले जनाएको छ ।

इलाका प्रहरी कार्यालय सिजुवा तथा स्थानीयवासी समेतले खोजतलास गर्ने क्रममा खोलाले बगाएको स्थानभन्दा करिव ३ किलोमिटर दक्षिण खोलाको डिलमा साहलाई मृत अवस्थामा फेला पारेको उक्त बताइएको छ ।