सुनसरी । दुई दिन देखिको लगातारको वर्षाले सप्तकोशीमा पानीको सतह बढ्न थालेको छ ।
विहिबार देखि निरन्तर परेको पानीले सप्तकोशीमा पानीको सतह बढाएको छ । शुक्रबार दिउँसो १२ बजे सम्म गरिएको मापनमा १ लाख ७२ हजार ९ सय ६० क्युसेक प्रति सेकेण्ड पानीको बहाव रहेको छ । बहाव बढे पछि खतराको संकेत जनाउँन थालिएको छ ।
सप्तकोशी नदीमा पानीको सतह बढदै गएकाले कोशी व्यारेज कन्ट्रोल रुमले उच्च सुरक्षा सर्तकता अपनाउदै ५६ वटै ढोकामा उच्च निगरानी राखेर कर्मचारीहरुलाई अर्लट गराएर राखेको छ ।
पानीको वहाव बढेसगै पुर्व तर्फका ढोकाहरु खुल्ला गरि कोशी वेसिनका कर्मचारीहरुले पानीको सतह बढदै गएपछि कन्ट्रोल रुम मार्फत कोशी परियोजनालाई अवश्थाका बारेमा जानकारी गराउन थालेका छन ।
सप्तकोशी नदीमा बालुवाको मात्रा बढी भएकाले साना ठुला टापुहरुका कारण थोरै पानीमा समेत पानीको सतह बढनाले कोशी व्यारेजका ढोकाहरुमा असर पुग्ने देखिएपछि गत वर्ष ५६ वटै ढोकाहरु खोलिएको थियो ।
कोशी नदीमा बहाव बढ्ने सक्ने भएकाले आकस्मिक बहाव हुन सक्ने, कोशी नदीको तटिय क्षेत्र र तराईको भु–भागको तटिय क्षेत्रमा उच्च सतर्कता अपानउन आग्रह गरेको छ ।