निजी विद्यालयले लकडाउन समयको शुल्क उठाए आन्दोलन गर्ने अखिलको चेतावनी

धरान । लकडाउनका कारण बन्द रहेका शैक्षिक संस्थाहरुले विभिन्न बहानामा शुल्क लिइएको पाइए कडा आन्दोलन गर्न बाध्य हुने अखिल नेपाल राष्ट्रिय स्वतन्त्र विद्यार्थी युनियस जिल्ला कमिटी सुनसरीले चेतावनी दिएको छ ।

बुधबार प्रेस विज्ञप्ती जारी गर्दै अखिलले एकातर्फ कोरोनाको त्रास अर्कोतर्फ आर्थिक चाप हुने गरि विद्यार्थी अभिभावकलाई तनावग्रस्त बनाउने गरि शुल्क नउठाउन आग्रह गरेको छ । आग्रहलाई वेवास्ता गर्दै निजी विद्यालयले शुल्क लिएको पाइए कडा भन्दा कडा आन्दोलन गर्न बाध्य हुने जनाएको छ ।

अखिल सुनसरी जिल्ला संयोजक जिबि गजल र सह संयोजक बुद्रोस लिम्बुद्वारा संयुक्त जारी विज्ञप्तीमा निजी क्षेत्रबाट सञ्चालित विद्यालयहरुको संगठन प्याब्सन र एन प्याब्सनद्वारा विद्यार्थी र अभिभावकको ढाड सेक्ने गरी लकडाउनको कष्टकर समयमा समेत अनिवार्य शुल्क तिर्न जारी गरेको आव्हान प्रति गम्भिर ध्यानाकर्षण भएको जनाएको छ ।

कोरोना कहरका कारण लकडाउनले गर्दा विद्यार्थी अभिभावक चौतर्फि आक्रान्त बनेको अवश्थामा हडाकट शुल्क उठाउने निर्णयको निन्दा र भत्र्सना गरेको छ ।

लकडाउन केही खुकुलो हुँदै गए पछि संक्रमणको संवेदनशिलताका कारण शिक्षा क्षेत्र सबै भन्दा ढिलो खुल्नुपर्ने परिस्थिती विद्यमान गरेको अवश्थामा सरकारले दिएको निति र विद्यार्थी अभिभावकले व्यहोरिरहेको संकटलाई पुर्ण रुपमा व्यवस्था गरी एक तर्फी रुपमा शुल्क उठाउने आव्हान आपत्तिजनक रहेको विज्ञप्तीमा उल्लेख गरेको छ ।