_1693980289.gif "#")
धरान । युवाहरुको नेतृत्व र व्यक्तित्व विकाशका लागि आंकाक्षा नेपालले धरानमा एक दिने नेतृत्व विकाश तालिम सम्पन्न गरेको छ ।
युवाहरुलाई असल नेतृत्वबाट मात्र सामुहिक लक्ष्य हासिल गर्न सकिन्छ भन्ने अवधारणा अनुसार नेतृत्व विकाश तालिम प्रदान गरेको हो ।
आइतबार सम्पन्न तालिममा नेता र नेतृत्व, नेतृत्वका शैली र सिप, नेतृत्वको प्रकार, नेतामा हुनुपर्ने गुणहरुका विषयमा तालिम केन्द्रित भएको थियो ।
धरान जेसिजका पुर्व अध्यक्ष मोहन श्रेष्ठ र विष्णु बरालले तालिमको सहजीकरण गरेका थिए ।
युवा भविष्यको कर्णधार र सम्भावना भएका कारण उनीहरुलाई असल संस्कार र सोचको विकाश गर्न नेतृत्व विकाश तालिम प्रदान गरिएको आकांक्षा नेपालकी अध्यक्ष रत्न राईले बताईन् ।
तालिममा धरान १३ नम्बर वडा लगायतका ३० जना युवाहरुको सहभागिता रहेको थियो ।
तालिमबाट सिकेका कुराहरुले आफुलाई अघि बढ्न मार्ग निर्देशन गरेको सहभागि विजय घिमिरेले बताए ।
तालिमहरु युवाहरुको लागि मार्ग निर्देशन गर्न आवश्यक रहेको र सरोकारवाला पक्षले निरन्तरता दिनुपर्ने अर्की सहभागि सोनिका भट्टराईले बताईन् ।
