सुनसरी / वराहक्षेत्र नगरपालिकाले स्थापना गरेको चक्रघट्टीस्थित क्वारेन्टाइनमा १४ दिन सम्म बसेकाहरुले बिझाइ गरेका छ्न ।
चक्रघट्टीस्थित क्वारेन्टाइनबाट ग्यास स्टोभ, तन्ना, दन्त मन्जन, थाललगायत दैनिक प्रयोगमा आउने सामग्री हराएको छ ।
क्वारेन्टाइनका इन्चार्ज स्वास्थ्यकर्मी अमृत भुजेलका अनुसार मधुवन्स्थित क्वारेन्टाइनमा समेत डिस्चार्ज भएकाहरुले जेब्रा झोलाभित्र सामग्री हालेको फेला पारिएको बताए ।
क्वारेन्टाइनमा राखिएको वाइफाइको राउटर र तारसमेत चुडेर लगेको इन्चार्ज भुजेलले जानकारी दिए ।
चक्रघट्टीस्थित क्वारेन्टाइनमा प्रहरीले कोरोना सङ्क्रमण हुने भन्दै चेक जाच नगरेको नगरपालिका स्रोतले जनाएको छ भने मधुवनमा भत्ता नपाएको भन्दै प्रहरीले क्वारेन्टाइनमा ड्युटी गरेको छैन ।