काठमाडौं । हिरासत भित्रै झुण्डिएको अवश्थामा फेला परेका धनुषा जिल्लास्थित सबैला नगरपालिकाका एक दलित युवालाई प्रहरीले कुटपिट गरी हत्या गरेको उनका परिवारले आरोप लगाएका छन् ।
गत जेठ २६ गते धनुषाको इलाका प्रहरी कार्यलय सबैलाको हिरासत भित्रको शौचालयमा झुण्डिएको अवश्थामा फेला परेका २४ वर्षीय शम्भु सदाको प्रहरीको कुटपिटबाट हत्या भएको भन्दै उनका आफन्त सहित स्थानीयले छानबिनको माग गरेका छन् । मृतक शम्भु सदा सवारी ज्यान मुद्दाका प्रतिवादी थिए ।
उनको हत्याको विरोधमा मंगलबार प्रर्दशनमा उत्रिएका मुसहर समुदाय माथि प्रहरी कार्यालयमै झडप भएको थियो । प्रर्दशनकारीलाई नियन्त्रणमा लिनका लागि प्रहरीले केही राउण्ड अश्रुग्यास समेत प्रहार गरेको थियो । आक्रोसित स्थानीयले इलाका प्रहरी कार्यालय सबैलाको भ्यानमा तोडफोड गरेको छ ।
सबैलाई नगरपालिका वार्ड नं १२ बस्ने दिपा सदाको छोरा वर्ष २५को शंभु सदा(मुसहर) लाई सबैलास्थित इलाका प्रहरि प्रहरिले कुटेर हत्या गरि हिरासतमै झुन्ड्याएर मारिएको परिवारजनले आरोप लगाएका छन् । सदाको शवलाई पोष्टमार्टम गरी गुपचुप रुपमा दाहसंस्कार गरिएको छ ।
