फाईल फोटो नेपाल भर्सेस माल्दीभस
काठमाडौं –विश्वयापी महामारीको रुपमा कोरोना भाइरसको कारण स्थगित विश्वकप फुटबलका छनोट खेल अक्टोबारबाट सुरू गर्ने तयारी भएको छ ।
एसियन फुटबल फेडेरसन (एएफसी) ले कतारमा आयोजना हुने फिफा विश्वकप फुटबल र चीनमा आयोजना हुने एएफसी एसियन कप छनोट अन्तर्गत बाँकी रहेका खेल अक्टोबर र नोभेम्बरमा गर्ने प्रस्ताव गरेको हो ।
एएफसीले फीफासँग परामर्श गर्दै भाईरसको कारण स्थगित छनोट खेलहरु अक्टोबर र नोभेम्बरमा गर्ने प्रस्ताव ल्याएको हो ।
एएफसीले सार्वजनिक गरेको प्रस्तावित मिति अनुसार म्याच डे ७ र ८ को खेलहरु अक्टोबर ८ र १३ मा हुनेछन् भने, म्याच डे ९ र १० का खेलहरु नोभेम्बर १२ र १७ मा हुनेछ ।
यसअघि मार्च र जुनमा हुने तय भए पनि कोरोनाको कारण छनोट खेलहरु स्थगित गरिएको थियो ।
छनोटअन्तर्गत समूह सीमा रहेको नेपालले आफ्नो अन्तिम तीन खेल खेल्न बाँकी रहेको छ । नेपालले बाँकी तीनै खेल घरेलु मैदान दशरथ रंगशालामा खेल्नेछ । सुरुवात पाँच खेलमा नेपालले १ जित र ४ हारसहित ३ अंक जोडेको छ ।
अब नेपालले अष्ट्रेलिया, जोर्डन र चाईनिज ताईपेसँग खेल्न बाँकी रहेको छ ।
