धरान १४ को घटनामा संलग्न दोषीलाई कडा कारबाही गर्न दलित संघको माग

धरान/ आज दिउँसो धरान १४ मा जनप्रतिनिधि सहित तीनजना मथि भएको आक्रमणको घटनाप्रति नेपाल दलित संघले गम्भीर ध्यानाकर्षण भएको जनाएको छ ।

संघले विज्ञप्ती जारी गर्दै घटनाबारे स्थानिय प्रसाशन कसैको दबाव वा प्रभावमा नपरी सत्य तथ्य र निष्पक्ष छानबिन गर्न र पीडितलाई उचित क्षतिपुर्ति सहित न्याय दिलाउन र दोषीलाई कडा भन्दा कडा कार्वाहीको संघले माग गरेको छ ।
उक्त घट्नाप्रति संघको गम्भीर ध्यानाकर्षण र खेद प्रकट गरिएको विज्ञप्तीमा उल्लेख छ ।

साथै केही युवाहरुले हातहतियारसहित नेपाल दलित संघकी धरान उपमहानगर समितिका सदस्य एंव वडाकी जनप्रतिनिधि मनिषा विकसहित अन्यलाई ज्यान मार्ने उद्देश्यले आक्रमण भएको भएको संघले जनाएको छ ।

वीपी काईरला स्वास्थ्य विज्ञान प्रतिष्ठानको ईमर्जेन्सी कक्षमा उपचाररत घाईतेहरुलाई भेटेर धरान उपमहानगरपालिकाका मेयर तिलक राई, नेपाली काग्रंस धरान नगर समितिका सचिवद्वय श्याम पोख्रेल, युवराज शंकर, धरान १४ का वडा अध्यक्ष कृष्णप्रसाद भट्टराईसमेतले सीघ्र स्वास्थ्यलाभको कामना गरेको पनि विज्ञप्तीमा उल्लेख गरिएको छ ।