विरामी कुरुवा लाई खाना खुवाउन हङ्गकङ वाट आर्थिक सहयोग

धरान । हङ्गकङमा कार्यरत धरान १५ निवासी खेम लिम्वु र उनको श्रीमति रजना राईद्वारा विपि अस्पतालका विरामि कुरुवाहरुको खानाको लागि आर्थिक सहयोग गरेको छ ।
लकडाउनको कारण समस्यामा परेका विरामी कुरुवाहरुको लागि भनेर दम्पतिले एक हजार ५० छाक खानाको लागि नगद ५० हजार रुपैया सहयोग प्रदान गरेका हुन । हाल हङ्गकङमा नै रहेका दम्पतिले तरुण दल सुनसरी कमिटि कार्यवाहक अध्यक्ष सन्तोष विक मार्फत १८ न. वडाध्यक्ष प्रविण राईलाई शुक्रवार रकम हस्तान्तरण गरेका थिए ।
दाताका अनुसार उनिहरुको प्रतिनिधि समेतको उपस्थितिमा शुक्रवार साँझ ३ सय ५० छाक खाना कुरुवाहरुलाई खुवाएको छ । यसै गरि शनिवार साँझ र आइतावार साँझ सम्म उनीहरुको प्रतिनिधिको उपस्थितिमा खाना खुवाइने १८ न. वडा समितिले जनाएको छ । सहयोग दाताको प्रतिनिधिको रुपमा तरुण दल क्षेत्रिय सभापति गणेश लिम्वु र क्षेत्रिय उपाध्यक्ष रवि राईको उपस्थिति रहेको थियो । धरान १८ न. वडा समितिले विभिन्न संघसंस्थाहरु संग सहकार्य गरेर लकडाउन सुरु भए पछि चैत्र १४ गते देखि विपी अस्पतालका विरामीका कुरुवाहरुलाई विहान र साँझको नियमित रुपमा खाना खुवाउदै आइरहेको छ ।