धरानको वार्ड नं ३ मा हाल सम्म पनि राहत नपाएका ७० घर परिवारलाई राहत वितरण गरिएको छ । मंगलबार धरान ३ को वडा कार्यालयको समन्वयमा स्थानीय मिग्मा भोटेको सक्रियतामा उक्त राहत वितरण गरिएको हो । धरान शंखुवासभा सरोकार समाज धरानको अध्यक्ष समेत रहेका मिग्मा भोटले वडाबाट पाएका राहतले खान नपुग्ने र राहत नपाएर समस्यामा परेकाहरुलाई राहत बाडेको बताए ।
राहतमा १० केजी चामल, १ केजी दाल, १ लिटर तेल, १ केजी नुन र न्यूटला वितरण गरिएको थियो ।
धरानमा राहत वाडिए पनि धेरै कमिकमजोरी भएको र त्यसलाई सुधार गर्नुपर्ने धरानका समाजसेवी रमेश लाईले बताए । सामाजिक काममा सवै क्षेत्र र समुहका प्रतिनिधिहरुलाई समेटेर काम गरिएको भए सजिलो हुने विचार व्यक्त गरेका थिए ।
स्थानीय समाज सेवी व्यक्तित्वहरुको समेत सकृयता र वडा कार्यालयको सक्रियतामा राहत वितरण गरिएकोमा राहत पाउनेहरुले खुशी व्यक्त गरेका थिए । वडा कार्यालयबाट राहत पाएपनि ठूला परिवार भएका र सरकाले दिएको निर्देशिकाले समेट्न नसकेकाहरुलाई राहत वितरण गरिएको ३ नं। वडा कार्यालयका सदस्य हरी हारीले बताए ।
