धरानको वडा नम्बर १७ का विपन्न परिवारलाई राहत वितरण गर्न धरान सत्र समाज हङकङले राहत सामग्री प्रदान गरेको छ ।
लकडाउनका कारण १७ नम्बर वडाका अति विपन्न परिवारहरुका लागि राहत वितरण गर्न तिन लाख ५९ हजार ५ सय रुपैया वरावरको राहत सामग्री प्रदान गरिएको सत्र सामाज हङकङका सहसचिव श्री राईले जानकारी दिए । हङकङ समाजका पदाधिकारीहरुद्वारा १७ न. वडाध्यक्ष मनोज भट्टराईलाई मंगलवार राहत सामग्री प्रदान गरेका हुन् ।
राहत सामग्रीमा ३ हजार ५ सय केजि चामल, ३ सय ५० लिटर तेल, ३ सय ५० केजि नुन र ३ सय ५० केजि दाल रहेको छ । धरान १७ का स्थानीय हाल हङकङमा रहदै आएकाहरु वाट राहतका लागि आर्थिक संकलन गरिएको समाजका अध्यक्ष मधुकुमार राईले बताए । १७ न. वडा समितिले अहिले सम्म २ हजार ४ सय विपन्न वडावासिहरुलाई राहत प्रदान गरिसकेको छ ।
हङकङ समाजवाट प्राप्त राहत अति विपन्न ३ सय ५० परिवारलाई दोहोर्याएर राहत प्रदान गरिने वडाध्यक्ष मनोज भट्टराईले जनाए । यस अघि वडा समितिले तिन जना परिवार भएकोलाई १० केजि चामल र तिन भन्दा वढि परिवार भएकालाई १५ केजि चामल, दाल, नुन, तेल र आलु घरमा नै पुर्याएर राहत वितरण गरेको थियो । राहत सामग्री प्रदान कार्यक्रममा धरान सत्र समाज हङकङका सदस्य कवि राई, देवकुमार राई, किशोर राई, दिलिप राई, समाजका धरान प्रतिनिधि सतिश केसि, युवा नेता नरसिंह राई लगायतको उपस्थिति रहेको थियो ।
