_1693980289.gif "#")
धरान । लकडाउनको सदुपयोग गर्दै धरान उपमहानगरपालिकाले रोकिएका योजनाका भौतिक पुर्वाधारका कामहरु सुचारु गरेको छ ।
धरान उपमहानगरपालिकाले धरान स्थित कोशीराजमार्ग अन्र्तगतको भोटेपुल क्षेत्रमा सडक बिस्तारको कामलाई सुचारु गरेको हो । कोरोना संक्रमणको रोकथामका लागि घोषणा गरेको लकडाउनका कारण बन्द रहेको धरान ८ स्थित बरगाछी देखि भोटेपुल सम्मको सडक बिस्तारको काम अघि बढेको छ ।
संघीय सरकारको भौतिक योजना तथा पुर्वाधार मन्त्रालय अन्र्तगतको सडक विभागले निर्माण शुरु गरेको केही दिनमै देशमा लकडाउनको घोषणा गरेको थियो ।
जिल्ला प्रशासनसँगको समन्वयमा सुरू गरिएको सडक खण्डका साथ–साथै धनकुटे रोडको खाल्डाहरू पुर्ने काम समेत सुरू भएको उपमहानगरकी उपमेयर मञ्जु भण्डारीले जानकारी दिइन ।
उपमेयर भण्डारीले अघिल्लो आर्थिक वर्षमा नै ठेक्का लागेको सडक विभाग मार्फतका अन्य ५ वटा सडकहरूको निर्माण तथा मर्मतको कामहरू भइरहेको बताइन ।
भण्डारीले सडक विभाग अन्तरगत रहेका बाहेकका अन्य नगर गौरवका आयोजनाहरूको पनि टेन्डर प्रक्रियामा रहेको बताउदै भोटेपुलदेखि तीनढुवाङ्गेसम्म १४÷१४ फिटको खहरे करिडोर निर्माण गरिने बताएकी छिन् ।
उनका अनुसार १६ नं. वडाको विजुली अफिस लाइनको खहरे करिडोर बनाउने तयारीमा रहेको छ । अन्य धरान नगर गौरबका आयोजनाहरु पनि निर्माण प्रक्रियामा रहेको उनले बताईन् ।
