_1693980289.gif "#")
। लकडाउन अवधिमा पासबिना संचालनमा आएका र सरकारी नियम नमान्ने सवारी कारवाहीमा परेका छन् ।
जिल्ला प्रहरी कार्यालय मोरङका अनुसार प्रहरीले यो अवधिमा जम्मा ३ हजार ९२ वटा सवारी साधन नियन्त्रणमा लिएको छ । प्रहरी प्रवक्ता डिएसपी मानबहादुर राईका अनुसार सबैभन्दा धेरै मोटरसाइकल र स्कुटरका चालकले लकडाउन उलंघन गरेका छन् । यसको संख्या १ हजार ९ सय २६ रहेको छ । त्यसपछि प्रहरीले ९ सय ६१ साईकल नियन्त्रणमा लिएको छ ।
डिएसपी राईले यो अवधिमा लकडाउन उलंघन गर्न नदिन प्रहरीले निगरानी र कार्वाहीलाई तिव्रता दिएको बताएका छन् । प्रहरी कारवाहीमा १० अटोटेम्पो, ७६ टिफर र २९ कारजिपलाई नियन्त्रणमा लिइएको थियो ।
जिल्ला प्रहरी कार्यालय मोरङले अब १ सय ११ सवारी साधन छाड्न बाँकी रहेको जनाएको छ । यो अवधिमा जम्मा १ हजार ९० जना मानिसलाई नियन्त्रणमा लिइएको जानकारी दिएको छ । तीसबैलाई लकडाउन पालना गराउन सचेत गराई छाडिएको छ ।
