धरान बराहक्षेत्र बासिहरुका लागी कृषिजन्य बस्तुहरु बिक्रि गर्ने एउटा दिगो बजार हो ।
बिशेषगरि बराहक्षेत्रका ३ , ४ र ५ नम्बर वडामा उत्पादित पराल, दाल, भुष, कुखुरा, हास, अण्डा, दूध जस्ता बस्तुहरु लिएर बिक्रिका लागि दैनिक ३ सय सम्म ब्यापारी धरान बजार पुग्ने गर्छ्न ।
अहिले विश्व महामारीको रुपमा फैलिएको कोरोना भाइरस संक्रमणको त्रासले देश लक डाउन भएपछि ती सबै ब्यापारी प्रभावित भएका छन् ।
यस क्षेत्रबाट दूध लिएर जाने ब्यापारी मात्रै ६० जना भन्दा बढी छन् । एक जना ब्यापारीले २५ जना सम्म कृषकको दूध लैजाने गर्दछ्न ।
यसरी अनुमान लगाउदा १ हजार ५ सय किसानको ७ हजार लिटर दूध दैनिक धरान जाने गरेको बराहक्षेत्र ४ का दुग्ध ब्यापारी गणेश बिष्ट बताउँछन् ।
तर अहिलेको लकडाउनले सबै लथालिङ्ग बनाइदिएको छ, अहिले दूध लिएर धरान जानेको संख्या बढिमा १० जना मात्रै रहेको छ बिष्टले बताए ।
" लकडाउन शुरु भएपछि गाई बस्तुलाइ खुवाउने चोकर, ब्रान्ड, दाना समेत पाउन छोडेको छ । पाए पनि भाउ बढेको हुँदा किनिसक्नु छैन ।
नगरपालिकाले अनुगमन गर्ने भने पनि अनुगमन गरेको छैन " गाई पालक किसानहरुको गुनासो छ । पहिले ८० लिटर दूध लिएर धरान जाने बराहक्षेत्र ३ का मनोज बिष्ट अहिले ५० लिटर मात्रै दूध लिएर जान्छन् ।
मनोज भन्छन् धरान बजार पुरै ठप्प छ होटेल पसल सबै बन्द भएपछि कहाँ लगेर बिक्री गर्नु अहिले घर घरमा लगेर बेच्ने हो । पहिले होटेलहरु तिर दिएको पैसा उठाउन निकै बाकी छ, ब्यापार सबै चौपट भयो मनोजले बताए ।
उनी भन्छन् "हामी केहिले जसोतसो दुध लिएर जादैछौ तर यहाँ धेरै ब्यापारी थिए उनिहरुले लैजान पाएका छैनन् दूध बिक्रि नभए पछि किसानले गाई भैंसी नै बेच्न थालेका छन् ।
" पानवारी पटिका सबै ब्यापारीले दूध लिएर आइरहेका छन् तर हाम्रो पट्टि जनप्रतिनिधि र स्थानीय प्रशासनले नै कडाइ गरे ।