बराहका मेयरले डा.पुनलाई ढाँटे,पुनले भनेःबराह भगवान मेयरलाई सम्झाई बुझाई गरि दिनुस्

राष्ट्रिय आविष्कार केन्द्रका संस्थापक वैज्ञानिक डा .महावीर पुनले बराहक्षेत्रको मेयरलाई सम्झाइ बुझाइ गरिदिनुहोस भगवानु भनेर वराह भगवानलाई अनुनय विनय गर्नुमा अन्यथा लिनु हुँदैन ।

वास्तवमा मेयरलाई सम्झाउनै पर्छ । कसैले भनेको नमान्ने भएर, वराह भगवानलाई नै भाक्नु परेको हुन सक्छ ।
बराहक्षेत्रको मेयरले डा. पुनलाई २४ गते तपाइँको लागि नगरपालिकाले भव्य कार्यक्रम आयोजना गर्ने छ भनेर आश्वासन दिनु भाथ्यो । डा . पुनले उहाँको अभियान, पुस्तक र नवप्रवर्तनबारे जनप्रतिनिधिले सुन्न, जान्न र बुझ्न आवश्यक रहेको बताउनु भाथ्यो ।

त्यसैअनुरूप मेयरले सबै वडाध्यक्ष, जनप्रतिनिधि, कर्मचारीको उपस्थितिमा नवप्रवर्तनबारे कुरा राख्ने समय मिलाउँछु भन्नुभाथ्यो । त्यतिमात्र होइन मेयरले १ लाख बढी रकम तजबिजमा खर्च गर्न पाउँदिन तर ९९ हजार ९ सय ९९ सय बराबरको पुस्तक किन्दिनु ठूलो कुरा होइन भन्दै आश्वासन दिनु भाथ्यो । सायद सोही प्रतिबद्धता मेयरले बिर्सिनु भएछ । बिर्सेका कुरा सम्झाइ बुझाइ गर्नु परेको हो । हे भगवान घैंटोमा घाम लागोस् ।

स्टाटसः नवराज विष्टको सामाजिक सञ्जालबाट