मेडिकल सामग्रीसहित एकजना पक्राउ

विराटनगर / अवैध रुपमा विभिन्न मेडिकल सामाग्री (सर्जिकल)सहित प्रहरीले विराटनगरबाट एक जनालाई पक्राउ गरेको छ ।

बिहीबारजिल्ला प्रहरी कार्यालय मोरङबाट खटिएको प्रहरी टोलीले चेक जाँच गर्ने क्रममा को १ ह १३२५ नम्बरको सिटीमा भारतबाट नेपालतर्फ ल्याउँदै गरेको मेडिकल सामग्रीसहित एकजनालाई प्रहरीले पक्राउ गरेको हो ।

पक्राउ पर्नेमा सिटी चालक विराटनगर–१२ का ५६ वर्षीय शिवशंकर मण्डल रहेको जिल्ला प्रहरी प्रवक्ता प्रहरी नायव उपरीक्षक टीकाबहादुर कार्कीले जानकारी दिए ।

उनका अनुसार अन्दाजी १ लाख ५० हजार बराबरको मेडिकल सर्जिकल सामग्री सहित उनलार्ई नियन्त्रणमा लिइएको हो ।