_1693980289.gif "#")
धरान /सार्वजनिक जग्गामा अतिक्रमण बढ्न थालेपछि धरान उपमहानगरपालिकाले सिमांकन गर्ने कामलाई तिब्रता दिएको छ । यसै क्रममा उपमहानगरपालिकाले धरान ५ को सार्वजनिक जग्गामा सिमांकन गर्दै घेराबारा समेत गरेको छ ।
खेल मैदानको लागि संरक्षण गरिएको सो जग्गामा केही समय अगाडि धरान उपमहानगरपालिकाले व्यक्तिले बनाएको घर डोजर लगाएर भत्न्काएको थियो । विगतमा वडा कार्यालयले नै सरकारी बजेटबाट रिटेनिङ वाल उठाएर अधेरी खोला किनारको सार्वजनिक जग्गा संरक्षण गरेको थियो ।
त्यहाँ रहेका अन्य सार्वजनि जग्गा पनि अतिक्रमणबाट संरक्षणका लागि सिमांकनसँगै घेराबार गरिएको नगर प्रहरी प्रमुख प्रहरी निरीक्षक विष्णु कोइरालाले जानकारी दिए । उनले भने सो जग्गालाई रंगशाला तथा खेद मैदानकै रुपमा प्रयोग गर्ने उपमहानगरपालिकाको योजना अनुरुप संरक्षणमा लागि परेको हो ।
