धरान / टेम्पो व्यवसायीहरुको हक हितका लागि काम गर्दै आएको कोशी टेम्पो यातायात प्रा.लि.को चौथो साधारणसभा तथा दोस्रो अधिवेशनबाट मेनकुमार श्रेष्ठ सर्वसम्मत चयन भएको छ ।
गत पौष १६ गते भएको साधारणसभा तथा अधिवेशनबाट सदस्यहरुमा पेम्बा तामाङ, सञ्जय खनाल, रेश्मा प्रधान, शिवनारायण श्रेष्ठ, रामकुमार श्रेष्ठ र राघवप्रसाद श्रेष्ठ सर्वसम्मत चयन भएका हुन् ।
धरान १५ संघकै कार्यालयमा भएको साधारणसभा तथा अधिवेशनले विभिन्न समिति समेत गठन गरेको छ ।जस अन्तर्गत दुर्घटना समितिमा नवराज श्रेष्ठ र सम्बन्धित प्यानल नाइके चयन भएका छन् ।
यस्तै लेखा समितिमा शिवनारायण श्रेष्ठ र राजेन्द्र घिसिङ चयन भएका छन् । यस्तै प्रा.लिको सल्लाहकारमा किरण भुजेल, हिमाल श्रेष्ठ र निलबहादुर कार्की रहेका छन् भने कानूनी सल्लाहकारमा त्रिलोक बस्नेतलाई चयन गरिएको छ ।
