_1693980289.gif "#")
विजयपुर/ लायन्स क्लब अफ धरान पञ्चकन्याले शिक्षाका लागि एक रुपैया अभियान सञ्चालनमा ल्याएको छ ।
आर्थिक अवस्था कमजोर भएका विद्यार्थीहरुले बीचैमा पाठनपाठन छोड्नु नपरोस् भन्ने अभिप्रायले क्लवले यस्तो अभियान ल्याएको हो ।
क्लबकी अध्यक्ष एकता श्रेष्ठका अनुसार पढन मन हुदाहुदै पनि आर्थिक अवस्था कजोर भएर विद्यालय तथा कलेज जान नसकेका बालबालिकाहरुलाई लायन्स कल्वले सहयोग गर्ने भएको हो । उनले भनिन् ‘दिनको १ रुपैया बचत गर्दा महिनाको ३० रुपैयाँ बचत हुन्छ, एकबर्षमा ३ सय ६५ रुपैयाँ जम्मा हुन्छ, पाँच बर्षसम्म जम्मा गर्दा १ हजार ८ सय २५ रुपैयाँ हुन्छ भने १० बर्ष जम्मा गर्दा ३ हजार ६ सय ५० जम्मा हुन्छ । जम्मा गर्दा दिनको एक रुपैया हो, तर यसले असहाय तथा गरिबहरुका लागि ठूलो सहयोग पु¥याउँछ ।’
उनले यो अभियानमा जोकोहीले सहयोग गर्न सक्ने बताइन् । उनले भनिन्–‘गरिब विद्यार्थीले बीचैमा विद्यालय तथा कलेज छोड्नु नपरोस भन्ने हाम्रो उद्देश्य हो, यसमा जो कोही सहभागी बन्न सक्छ ।’
लायन्स क्लबले स्थापनादेखि नै शिक्षा, स्वास्थ र वातावरण संरक्षण र खाधान्न वितरण जस्ता धेरै सामाजिक कार्य गर्दै आएको छ । चाडै नै क्लबले धरानको सुकुम्बासी बस्तिका अवस्था कमजोर भएका बालबालिकाहरुलाई ५ हजार कापी वितरण गर्ने भएको छ ।
